بەڕێوەبەرایەتی ئاسایشی ڕۆژئاوای سلێمانی رایدەگەیەنێت، لەماوەی چل ڕۆژی ڕابردوودا حەوت تۆمەتبار دەستگیركراون كە یەكێكیان بازرگان و شەشیان بەكارهێنەری مادەی هۆشبەر بووە.
بەڕێوەبەرایەتی ئاسایشی ڕۆژئاوای سلێمانی لە ڕاگەیەندراوێكدا رایگەیاندووە، لەپێناو سەلامەتی و پاراستنی ئاسایشی تەندروستی هاوڵاتیاندا بەهەوڵ و ماندوبونی هێزەكانیان و بە هاوكاری سەرچاوە تایبەتەكانیان، لەماوەی چل ڕۆژی ڕابردودا حەوت تۆمەتبار دەستگیركراون.
هەر بەپێی راگەیەنراوەكە، تۆمەتبارەكان یەكێكیان بازرگانە و شەش كەسەكەی دیكە بەكارهێنەری ماددەی هۆشبەرن و دانیشتوی شارو شارۆچكە جیاوازەكانی هەرێمی كوردستان و عێراقن، یەكێكیان ژنەو ئەوانی دیكەش لەڕەگەزی نێرن، ئەوماددانەی بەكاریان هێناوە لەجۆری كریستاڵە.