ئاڵدار خەلیل ئەوەشی خستەڕوو، گەلەکەمان شارە داگیرکراوەکانی بەجێ نەهێشت بۆ ئەوەی هەمیشە پشتیوانی لە تێکۆشانی ئازادی بکات، لە نزیکەوە مایەوە، بە تایبەتی سڵاو لە خەڵکی عەفرین لە شەهبا دەکەم، بەڕاستی وشەکان بەس نین بۆ ئەوەی باسی بەرخۆدانیان بکرێت، ماوەی چوار ساڵە لە حەلەب و شەهبا لە هەلومەرجێکی زۆر سەختدان، گەلەکەمان لە کەمپەکاندا، گەلەکەمان لە سەرێکانی و گیرێ سپیش لە دۆخێکی سەختدان، چاوەڕێی ڕۆژی ڕزگارین و خۆیان دەکەنە هێزێکی ڕزگاری، ئەوان بەم ڕۆحەوە کار دەکەن، ئەم ڕۆحە ڕۆحی بەرخۆدانە، ڕۆحی نیشتمانپەروەرییە، دەبێ بە نرخ ببینرێن، هەموو کەسێک دەبێت بەم ڕۆحەوە هەڵسوکەوت بکات. ئێمە ڕووبەڕووی ئەرکە مێژووییەکان دەبینەوە، تا هەرێمەکە ئازاد نەکرێت خەڵک ناتوانێت باسی دەستکەوتەکانی شۆڕش بکات.

لەبارەی پەیوەندیەکانی نێوان رۆژئاوا و رژێمی سوریاش وتی" چارەسەری کێشەی ڕۆژاوا و سوریا دەبێت لە ڕێگەی کۆبوونەوە و دیالۆگی نێوان ئیدارەی خۆبەڕێوەبەریی باکوری رۆژهەڵاتی سوریا و دیمەشقەوە بێت، هەرچەندە هەوڵ و کۆششی زۆر دراوە، بەڵام تا ئێستا هیچ هەنگاوێکی جدی نەنراوە، ڕوسیا و ئۆکرانیا وێڕای شەڕکردن لەگەڵ یەکتردا کۆدەبنەوە، هیچ چاوپێکەوتنێک لەنێوان ئێمە و دیمەشقدا نییە، هەرچەندە هیچ شەڕێک لە ئاستی شەڕی ڕووسیا و ئۆکرایندا نییە، دیمەشق ناوێرێت، یان هەڕەشەی لێ دەکرێت، ناتوانین تەنها باسی یەک هۆکار بکەین، هۆکاری زۆر هەیە، پێویستە هەمووان باوەڕ بەوە بکەن کە دیالۆگ بۆ سوریایەکی دیموکرات و ئاشتیخواز پێویستە. دەمانەوێت گفتوگۆ لەگەڵ دیمەشق دەستپێبکەین، چەندین جار بۆ دەستپێکردنی ئەم پرۆسەیە پەیام و نامەمان بۆ دیمەشق ناردووە، بۆ ڕزگارکردنی سوریا لەو قەیرانە پێکەوە دەتوانین کێشەکان چارەسەر بکەین و سوریایەکی دیموکراتی بنیات بنێین، تا ئێستا هیچ هەنگاوێکی بەرچاوە نەنراوە، هەوڵەکانمان بەردەوام دەبێت تا ئەو کاتەی ئەنجام بەدەست دەهێنین."