جوڵانەوەی نەوەی نوێ هەڵوێستی فەرمی خۆی لەبارەى کۆبوونەوەی ڕۆژی شەممەی هەفتەی داهاتووی ئەنجوومەنی نوێنەرانی عێراق بۆ هەڵبژاردنی سەرۆک کۆمار ڕاگەیاند و دەڵێت" هەموو ئەگەرێک کرایەوە لە بەردەماندا."
هیمداد شاهین، وتەبێژی جوڵانەوەی نەوەی نوێ لە راگەیەندراوێکدا بڵاویکردەوە" هەموو ئەگەرێک بۆ کۆبوونەوەی ڕۆژی شەممەی پەرلەمانی عێراق کراوەیە لەبەردەماندا، چ بە کشاندنەوەی کاندیدەکەمان بێت بۆ پۆستی سه‌رۆک کۆمار و بەشدارینەکردنمان بێت لە دانیشتنەکەی پەرلەمان، یاخود نەکشانەوەی کاندیدەکە و بەردەوامییمان".
بڕیارە رۆژی شەممەی داهاتوو دانیشتنی ئەنجوومەنی نوێنەرانی عێراق بۆ هەڵبژاردنی سەرۆك كۆمار بەڕێوەبچێت و هەریەک لە بەرهەم ساڵح و رێبەر ئەحمەد رکابەری سەرەکین بۆ وەرگرتنی ئەو پۆستە.