باسی لەوەشکرد، دەمانەوێت پێکهاتەکان نوێنەری راستەقینەی خۆیان هەبێت، نەک نوێنەری حزبە سیاسییەکان بێت و پارتی و یەکێتی نوێنەریان بۆ دابنێت.
ئەوەشی خستەڕوو، ئەگەر هەموو هێزەکان لەسەر یەک بەرنامە و یاسا رێکبکەوین و هێزێك دژی ئەو رێککەوتنە بێت، ئەوا دیارە ئەو هێزە نایەوێت هەڵبژاردن لە هەرێمی کوردستان ئەنجام بدرێت، بۆیە ئێمە وەک یەکێتی دەمانەوێت هەڵبژاردن لە کاتی خۆیدا بکرێت و هیچ هێزێک رامان ناگرێت لە بەدیهێنانی ئەو ئامانجەی کە هەمانە.
دوێنێ زانا مەلا خالید، سەرۆکی فراکسیۆنی پارتی لە کۆنگرەیەکی رۆژنامەوانیدا باسی لەوەکردبوو، دەبێت برادەرانی یەكێتی بزانن، نە هەولێر بەغدایە و نە پەرلەمانی كوردستانیش پەرلەمانی عێراقە تا بتوانن بە یەك لەسەر سێی پەكخەر، پەرلەمان پەك بخەن، ئێمە ڤیتۆمان نییە لەسەر هیچ پڕۆژەیەك بۆ هەموارەكانی یاسا و كۆمسیۆن، بەڵام ئەگەر ئەم هەڵسوكەوتانە بەردەوام بن، ئێمەش زۆرینە بەكاردەهێنین بۆ هەموارەكان.