ئەندامێکی پەرلەمانی پارتی ئاماژە بۆ ئەوە
دەکات ئەمڕۆ کوردستان بووە بە ئومێدێک بۆ
ئەوروپا و بە بەدیلێک بۆ ڕاگرتنی هاوسەنگی ئاسایشی وزە.
لیزا کاکەیی پەرلەمانتار لە بڵاوکراوەیەکدا ڕایدەگەیەنێت، شەڕی ڕوسیا و ئۆکرانیا
قەیرانی وزەی بەدوای خۆیدا هێنا و بەمەش دەرگایەکی نوێی بەڕووی هەرێمی کوردستاندا
کرایەوە، ئەمڕۆ کوردستان بووە بە ئومێدێک بۆ
ئەوروپا و بە بەدیلێک بۆ ڕاگرتنی هاوسەنگی ئاسایشی وزە.
لیزا کاکەی دەڵێت " سامانی سروشتی هێزە
و ئەگەر بە ستراتیژییەتێکی ورد و دووربینانە بەڕێوەببردرێت کاریگەری گەورەی بەسەر
دۆخی ئابووری نێوخۆیی و سیاسەتی دەرەوە دەبێت مەسرور بارزانی لەگەڵ تیمەکەی خۆیدا
لە حکومەت دەتوانێت دۆسییەی گازی سروشتی زۆر بە سەرکەوتووانە بەڕێوەببات" .
وتیشی "مەسرور بارزانی سەڕەڕای هەموو
فشارە نێوخۆیی و ئیقلیمییەکان بەبێ دوودڵی و بە ئیرادەوە بڕیاڕی بەڕێوەبردنی ئەم
پرسەی داوە، ئەوەی پێویستە بەردەوام بوونە لە مانۆڕە دیپلۆماسییەکان بە شەفافی و بە
ئاشکرا و بەو پەڕی متمانە بەخۆبوونەوە".
ناوبراو باسی لەوەشکرد " لەولاشەوە لایەنگەلێکی سیاسی لەم هەرێمە هەن
لەسەر پرسی گازی سروشتی بە نهێنی و دوور لە چاوەکان دەستیان کردووە بە سەردانیکردنی
وڵاتان، ئەمەش نیشانەی لە دەستدانی متمانەیە.لەکاتێکدا خۆیان بەشێکن لە حکومەت و بەشدارن
لە هەموو بڕیار و دیدارێکی دیپلۆماسی".