کەمێک لەمەوبەر چەند مووشەکێک ئاراستەی ناوچەی خەباتی نزیک هەولێر کرا.
دژە تیرۆری کوردستان رایگەیاند "شەش مووشەک لە نزیک زێی بادینان لە قەزای خەبات کەوتنە خوارەوە".
بە گوێرەی زانیارییەکانی پەیجی دژەتیرۆری کوردستان، کەمێک پێش ئێستا، شەش مووشەک لە نزیک زێی بادینان لە سنووری قەزای خەبات کەوتنە خوارەوە و هیچ زیانێکی گیانی و ماددی لێ نەکەوتووەتەوە.
بە گوێرەی زانیارییەکان، مووشەکەکان لە سنووری ناحیەی بەرتلەی سەر بە قەزای حەمدانییەی پارێزگای نەینەوا ئاراستە کراون.