قائیمقامی سلێمانی
رایگەیاند، لیژنە هاوبەشەکانی قائیمقامیەت سەرکەوتووترین ئەزموونی ئیدارەی خۆجێیە
و هەر کاڵا و خۆراکێک زیان بە تەندروستی گشتی بگەیەنێت دەستی بەسەردا دەگیرێت.
ئەمڕۆ ٥ی حوزەیران، ئاوات محەمەد قائیمقامیەتی سلێمانی لە راگەیەندراوێکدا سەبارەت بە
کۆبوونەوەی ئەمڕۆی یەکشەممە لەگەڵ لیژنە هاوبەشەکاندا ئاماژەی بەوەکرد "
لیژنە هاوبەشەکان سەرکەوتووترین ئەزموونی ئیدارەی خۆجێی سلێمانییە، کە بەهاوکاری
تەواوی فەرمانگە خزمەتگوزارییەکان، راوێژی نێوان ئەندامانی لیژنە جیاوازەکان و
بەپێی پسپۆڕییان لە بوارە جیاوازەکاندا کارەکانی رۆژانەیان رادەپەڕێنن".
باسی ئەوەشیکرد " لیژنە هاوبەشەکانی خۆیان بە بەرپرسیار دەزانن
بەرامبەر بە تەندروستی هاوڵاتییان و هەر کاڵا و خۆراکێک زیان بە تەندروستی گشتی
بگەیەنێت، دەستی بەسەردا دەگرن و خاوەنەکەشی رووبەڕووی لێپرسینەوەی یاسایی
دەکەنەوە".