کۆسرهت رهسوڵ و نێجێرڤان بارزانی له دوو پهیامی جیادا خهڵکی ههولێر و کوردستان دڵینادهکهنهوهو دهڵێن شهڕ لهبهرهی مهخمورو گوێر و سهرجهم بهرهکانی تر لهقازانجی پێشمهرگهیه.
ههر ئهمشهو 6-7 ی ئاب جێگری سهرۆکی حکومهت و وهزیری ناوخۆو پارێزگاری ههولێر پهیامی تایبهتیان لهتهلهفزیۆنهکانهوه بۆ هاوڵاتیانی ههولێر و کوردستان ههبوو که ههموویان بۆ دڵنیاکردنهوه هاوڵاتیانن و ئاماژه بۆ ئهوه دهکهن که بارودۆخهکه له ژێر کۆنترۆلدایه.
دەقی راگەیەندراوەكە:
جەماوەری خۆڕاگری كوردستان...
لە ئێوارەوە چەند دەنگۆیەكی ناڕاست لەناو هاووڵاتیاندا بڵاوبوەتەوە، بەمەش دڵەڕاوكێ لەلای هاووڵاتیان دروستبووەو بەشێكیان نیگەرانن، لێرەوە سەرجەم هاووڵاتیانی خۆڕاگر و بەشەرەفی شاری هەولێرو مەخموورو دیبەگەو سەرجەم شارو شارۆچكەكان ئاگادار دەكەینەوە كە ئێمە لە هەولێرین و لەوپەڕی ئامادەباشیداین و بە باشترین شێوە بەرگری لە خاك و نیشتمانی خۆمان دەكەین و هێزەكانی پێشمەرگەش بەورەیەكی پۆڵاین و جۆرەها چەك و تەقەمەنی قوڕسەوە لە بەرەكانی شەڕدان.
جەماوەری خۆشەویستی هەولێر...
دڵنیاتان دەكەینەوە هیچ هێزێك ناتوانێ حكومەتی كوردستان لەبن بێنێ، بۆیە بەهەموو شێوەیەك ئەو پروپاگەندانە رەتدەكەینەوەو باوەڕ بەمجۆرە پڕوپاگەندانە مەكەن و ئێمە خۆمان لە نزیكەوە چاودێری شەڕەكان و بەرەكانی پێشەوەی جەنگ دەكەین.
هەر بژی كورد و كوردستان
بژی حكومەتی كوردستان
كۆسرەت رەسوڵ عەلی
جێگری سەرۆكی هەرێمی كوردستان
پهیامی سهرۆکی حکومهت
پەیامێك بۆ گەلی كوردستان
گەلی خۆشەویست و خۆڕاگری كوردستان دڵنیادەكەینەوە كە هێزی پێشمەرگەی كوردستان لەپێشڕەویدایە لە بەرەی شنگالدا، هەروەها لەبەرەی جەلەولا و مەخمووردا چەكدارە تیرۆریستییەكانی داعشی تێكشكاندوون .
حكومەتی هەرێمی كوردستان بە باوەڕبوون بە هێزی پێشمەرگەی كوردستان بەڵێندەداتە هەموو گەلی كوردستان كە ڕێگە نادات تیرۆریستان خاكی پیرۆزی كوردستان پیس بكەن و ، پێشكەوتنی ژیان لە كوردستان ڕابگرن .
داوا لە خەڵكی كوردستان دەكەین كە بەهیچ شێوەیەك دڵەڕاوكێ نەیانگرێت و ، بە ئارامی لە شوێنەكانی خۆیان بمێننەوە و درێژە بە كار و ژیانی ئاسایی خۆیان بدەن .
بەڵێندەدەینە گەلی كوردستان ، كە بە دەستێكی پۆڵاین لە تیرۆریستان دەدەین و ، ئەو مەترسییەی لەسەر گەلی كوردستان و ناوچەكەش هەیە لادەدەین . هەموومان دەبێ باوەڕمان بە پێشمەرگە هەبێت و پشتیوانی پێشمەرگە بكەین .
داوا لە هەموو خەڵكی كوردستان و گەنجانی كوردستان دەكەین كە هەمیشە ورەبەرزبن ، دەبێ هەموومان باوەڕمان بە دۆزی رەوای خۆمان هەبێت ، ئێمە ئێستا بەرگریی لە خاكی پیرۆزی كوردستان دەكەین لە بەرامبەر هێزێكی تیرۆریستی داگیركەردا ، ئەوەش ئەوپەڕی ورە بەرزی پێویستە ، بەتایبەتیش كە تیرۆریستان لەبەر زەبری پێشمەرگە كەوتوونەتە پەلەڤاژەی لەنێوچوونەوە.
بۆیەش داوا لە هەموو خەڵكی كوردستان دەكەین كە ورەبەرز و ئارام بن .
نێچیرڤان بارزانی
سەرۆكی ئەنجوومەنی وەزیرانی هەرێمی كوردستان
6/8/2014
پهیامی وهزارهتی ناوخۆ
هاووڵاتیانی خۆشەویستی كوردستان
ئێستا كە كوردستان كەوتووەتە ژێر هێرشی تیرۆریستان و ئازایانە بەرگری لەخۆی دەكات، پشت بە خوای مەزن و هیمەت و خۆڕاگریی ئێوەی خۆشەویست و گیانفیدایی پێشمەرگە قارەمانەكان دوژمنان و ناحەزان تێكدەشكێن و سەركەوتن بۆ گەلی كوردستان دەبێت.
لەم بارودۆخەدا داوا لە گشت هاووڵاتییە بەڕێزەكان دەكەین ورەیان بەرز بێت و خۆڕاگر بن. دوژمن لە زۆربەی میحوەرەكانی جەنگدا گورزی كوشندەی بەر كەوتووە و لە پەلەقاژە دایە. هاونیشتیمانیانی بەڕێز لەوە دڵنیا دەكەینەوە كە دوژمن لاوازە و ورەی داتەپیوە و ئەو هێزە و ژمارەیەی نییە بتوانێ هەڕەشە بۆ سەر شارەكان دروست بكات.
پێویستە هەموو لایەكمان متمانەمان بە خۆمان و هێزی پێشمەرگە و دەزگاكانی ئاساییش هەبێت و كەس گوێ بە پڕۆپاگەندە و شەری دەروونیی دوژمن نەدات و بە دڵنیاییەوە سەركەوتنمان زۆر نزیكە.
وەزارەتی ناوخۆی حكوومەتی هەرێمی كوردستان