نوسینگەی راگەیاندنی سەرۆک وەزیرانی عێراق ڕایگەیاند" ئەمشەو لەسەر بانگهێشتی مستەفا كازمی و سەرۆكایەتییەكان و سەرۆكی هێزە سیاسییەكان، لەبارەی بۆردومانەكەی توركیا بۆسەر ناوچەیەكی گەشتیاری لە زاخۆ، كۆبوونەوە".
بەپێی راگەیەندراوەکە، لە کۆبوونەوەکەدا جەختكرایەوە لەسەر یەكڕیزی هەڵوێستی نیشتمانییانە بۆ پاراستنی سەروەری خاكی عێراق و هاوڵاتییان، بۆ ئەو مەبەستە هەنگاو دەنێرێت كە عێراق سكاڵا لەسەر ئاستی نێودەوڵەتی لە دژی هێرش و پەلامارەكانی توركیا بۆ سەر خاكی عێراق تۆماربكرێت.
لە راگەیەندراوەکەدا هاتووە" نابێت بەهیچ شێوەیەک عێراق وەك گۆڕەپانی یەكلاكردنەوەی ململانێكانی نێوان گروپە چەكدارەكان بەکاربهێنرێت".