بە هاوکاری ئەڵمانیا لە
شاری سلێمانی نەخۆشخانەیەکی ١٠٠ قەرەوێڵەیی تایبەت بە کۆرۆنا کرایەوە، کە ٣٠ قەرەوێڵەی
تایبەتە بە چاودێری ورد.
ئەمڕۆچوار شەممە ٢٧ ی تەمووز،
لە رێورەسمێکدا بە ئامادەبوونی سامان بەرزنجی، وەزیری تەندروستی حکومەتی هەرێمی
کوردستان و هەڤاڵ ئەبوبەکر پارێزگاری سلێمانی، نەخۆشخانەی ١٠٠قەرەوێڵەیی تایبەت بە
کۆرۆنا کرایەوە، کە خەرجییەکەی لە چوارچێوەی ئەو ٢٤ملیۆن یۆرۆیەدا بووە، کە
ئەڵمانیا بۆ درووستکردنی چەند نەخۆشخانەیەک لە سلێمانی، بەغدا، موسڵ و بەسرا لە
سەرەتای بڵاوبوونەوەی کۆرۆنادا دابینیکردووە.
سامان بەرزنجی وەزیری
تەندروستی حکومەتی هەرێمی کوردستان، سوپاسی ئەڵمانیای کرد و قتی هەوڵ دەدەن پێداویستییە مرۆییەکانی نەخۆشخانەکە دابینبکەن و
سوودی لێببینن بۆ چارەسەرکردنی نەخۆشییە گوازراوەکان.
ئەوەش لە کاتێکدایە ژمارەی
تووشبوان بە کۆرۆنا جارێکی دیکە لە هەرێمی کوردستان زیادیکردووە و وەزیری
تەندروستیش دەڵێت "شەپۆلی پێنجەمی کۆرۆنا بڵاوبووەتەوە و پێویستە هاووڵاتیان
پابەندی خۆپارێزییەکان ببن".
هاوکات سەباح هەورامی،
بەڕێوەبەرت گشتی تەندروستی سلێمانی رایگەیاند، "نەخۆشخانەکە ئاستێکی بەرزی
هەیە و بەشەکانی، چاودێری ورد، تاقیگە، قاوش، سۆنەر، تیشک و ستی سکان لەخۆدەگرێت".