كۆمەڵەی زەحمەتكێشانی كوردستان ڕایدەگەیەنێت "سوپای پاسدارانی ئێران هێزێكی زۆری بە پاڵپشتی تۆپخانە و چەكی قورس بە مەبەستی زەبروەشاندن لە پێشمەرگەكانی كۆمەڵە كۆكردۆتەوە و لە هەوڵی بەزاندنی سنوورەكانی هەرێمی كوردستاندایه".
ستادی نیزامی كۆمەڵەی زەحمەتكێشانی كوردستان لە ڕاگەیەنراوێكدا رایگەیاندووە "كاتژمێر 9ی سەرلەبەیانی ئەمرۆ سوپای پاسدارانی كۆماری ئیسلامی بە كۆكردنەوەی هێزێكی زۆر و بە پاڵپشتی تۆپخانە و چەكی قورس بە مەبەستی زەبروەشاندن لە پێشمەرگەكانی كۆمەڵە لە هەوڵی بەزاندنی سنوورەكانی هەرێمی كوردستاندایه."
هەروەها ئاماژەی بەوەشكردوو " تا كاتژمێر 2ی پاشنیوەرۆی ئەمڕۆ دووجار هەوڵی پێشرەوی هێزی پیادەی سوپای پاسداران لەگەڵ بەرەنگاریی پێشمەرگەكانی كۆمەڵە پووچەڵكراوەتەوە و پاشەكشەیان پێكراوە."
كۆمەڵەی زەحمەتكێشانی كوردستان دەڵێت "هەموو هاورێیانی پێشمەرگەی كۆمەڵە سەڵامەتن و بەوپەری ئامادەیی بەرامبەر بە هێزەكانی سوپای پاسداران وەستاون و بە وردی چاودێری جموجۆڵی ئەو هێزەی رژیم دەكەن."