پەرلەمانتارێكی فڕاكسیۆنی نەوەی نوێ لە پەرلەمانی عێراق ڕایدەگەیەنێت، لە شاری هەولێر هێزە ئەمنیەكان هەڵیانكوتاوەتە سەر ئۆفیسەكانیان و بەشێك لە كەل و پەلەكانیان شكاندوون.
محەمەد ئیسماعیل پەرلەمانتاری فراكسیۆنی نەوەی نوێ ڕایگەیاندووە "لەهەولێر هێزە ئەمنیەكانی پارتی دیموكراتی كوردستان هەڵیانكوتاوەتە سەر ئۆفیسە تایبەتەكەم و ئۆفیسی پەرلەمانتارێكی تری فڕاكسیۆنەكەمان".
هەروەها وتویەتی "هەندێك لەكەلوپەلەكانیان شكاندووین و ئەم جۆرە رەفتارانە وادەكات مكوڕتربن لەسەر داواكردنی مافی هاووڵاتیان".
جوڵانەوەی نەوەی نوێ شاسوار عەبدولواحید سەرۆكایەتی دەكات و هێزێكی ئۆپۆزسیۆن لە عێراق و هەرێم، ئێستاش لە پەرلەمانی عێراق 9 كورسی هەیە.
بۆ بینینی ڤیدیۆکە کلیک لەم لینکە بکە