هەردوو حیزبی دیموكراتی كوردستانی ئێران و حیزبی دیموكراتی كوردستان بە فەرمی یەكیان گرتەوە و وەك یەك حیزب بە ناوی (حیزبی دیموكراتی كوردستانی ئێران) كار دەكەن.
رێككەوتنەكە لە نێوان مستەفا هیجری، لێپرسراوی گشتی حیزبی دیموكراتی كوردستانی ئێران و خالید عەزیزی، سكرتێری گشتی حیزبی دیموكراتی كوردستان واژۆ كراوە.
ئەمڕۆش كەمال كەریمی، ئەندامی ناوەندی بەڕێوەبەری گشتی حدكا رایگەیاندووە، هەردوو حیزب یەكیان گرتەوە و لەسەر هەموو خاڵ و بەندەكان رێككەوتوون.
ناوبراو ئاماژەی بەوەكردوە "ئێستا تەنیا یەك حیزبمان هەیە و هەموومان ئەندامی ئەو حیزبەین بەناوی حیزبی دیموكراتی كوردستانی ئێران (حدكا)".