سەرۆکی هاوپەیمانی فەتح کە بەشێکی سەرەکییە لە
چوارچێوەی هەماهەنگی داوا لە سەرجەم لایەنەکان دەکات "بێدەنگی سیاسی و میدیایی"
ڕابگەیەنن.
ئەمڕۆ چوار شەممە، ٣١ی ئابی ٢٠٢٢، هادی عامری سەرۆکی
هاوپەیمانی فەتح لە پەیامێکدا بە گشت لایەنە شیعییەکانی دەڵێت، "ئێمە لە سەروبەندی
زیارەتی چلەداین، بۆیە هەموو برایان لە سەرکردە و لایەنە سیاسییەکان سوێند دەدەم کە
بێدەنگی سیاسی و میدیایی ڕابگەیەنن و گوتارێکی میانڕەو پەیڕەو بکەن کە نەبێتەهۆی
ناکۆکی و دووبەرەکی."
هادی عامری سەرۆکی هاوپەیمانی فەتح وتیشی "دەست هەڵگرن لە گوتاری ڕقاوی و کینەئامێز..
بۆ هێورکردنەوەی دۆخەکە و گەڕاندنەوەی متمانە لەنێوان ڕۆڵەکانی نیشتمان."