د. لوقمان نانەکەلی لە لێدوانێکی ڕۆژنامەوانیدا رایگەیاند" شەوی رابردوو لە کاتێکدا لەگەڵ هاوسەرەکەی وەک وەرزش بەپێی لەسەر شۆستەی شەقامی (٤٠) مەتری رۆیشتوون، لە ئۆتۆمبێلێکەوە سێ کەس هاتونەتە دەرەوە و تەقەیان بە ئاراستەی ئەوان کردووە". 

راشیگەیاندووە" دەستم بۆ کەلەکەم برد و بۆیان چووم، بەڵام هەر سێکیان خۆیان خستە ناو ئۆتۆمبێلەوە رۆیشتن".

ئەو پزیشکە روو لە سەرۆکی حکومەت، وەزیری ناوخۆ و پارێزگاری هەولێریش دەکات و دەڵێت" من نالێم سەدا سەد بۆ من بوو ئەو کردەوە ناشیرینە، بەڵام چۆن دەبێ بەهەوەسیش بیت لە جەرگەی شار کەسانێک تەقە بکەن و مەترسی لەسەر ژیانی هاوڵاتی دروست کەن، فەرموون لێکۆلینەوە بکەن بزانن ئەوانە کێن، پیاوکوژن، دزن، سەرخۆشن، ئێوە بریاری قەدەغەی چەکتان داوە".