سەرۆکی حکومەتی ههرێم لهگهڵ شاندێکی هاوبەشی یەکێتی ئەوروپا لە عێراق و سوریا كۆبووهوه و رایگهیاند" پشتیوانی له ئەنجامدانی پڕۆسەی هەڵبژاردنی پەرلەمان لە نزیکترینکاتدا دهكەین".
بهپێی راگهیهندراوێكی نوسینگهی سهرۆك وهزیرانی ههرێمی كوردستان، ئەمڕۆ پێنجشەممە مەسرور بارزانی پێشوازی لە شاندێکی هاوبەشی یەکێتی ئەوروپا لە عێراق و سوریا کرد بە سەرۆکایەتی ڤیلە ڤاریۆلا باڵیۆزی یەکێتی ئەوروپا لە عێراق، لە کۆبونەوەکەدا کە بەرپرسی نێردەی یەکێتیی ئەوروپا لە سوریا دان ستوینسکو و ئهندێرس ویبێرگ، سهرۆكى نوێى نێردهى ڕاوێژكاری یهكێتی ئهوروپا له عێراق ئامادەی بوون، گفتوگۆ دەربارەی دوایین پێشهات و گۆڕانکارییەکانی عێراق و سوریا و پەرەپێدانی پەیوەندییەکانی هەرێمی کوردستان و یەکێتی ئەوروپا کرا.
له راگهیهندراوهكهدا ئەوەش هاتووە" سەرۆکی نێردەی یەکێتی ئەوروپا لە سوریا، سوپاسی هاریکاری مرۆی حکومەتی هەرێمی بۆ پەنابەرانی سوریا لە هەرێم و ئاسانکاری هاتووچۆی نێوان هەرێمی کوردستان و ناوچەکانی باکوری ڕۆژهەڵاتی سوریا کرد".
لە تەوەرێکی دیکەی کۆبونەوەدا" سەرۆکی حکومەت پشتیوانی حکومەتی بۆ ئەنجامدانی پرۆسەی هەڵبژاردنی پەرلەمانی کوردستان لە نزیکترین کاتدا دوپات کردەوە و ئامادەی حکومەتیشی بۆ هەر هاریکاری و کارئاسانییەک، بۆ ئەم مەبەستە ڕاگەیاند".