پرسی دەستوری هەرێم کە پەرلەمان جارێکی تر لە پالانیدایە کاری لەسەر بکات، تەوەرەی سەرەکی کۆبوونەوەی ئەمڕۆی مەسعود بارزانی سەرۆکی پارتی و رێواز فایەق سەرۆکی پەرلەمانی کوردستان بوو.
بارەگای بارزانی لە ڕاگەیەنراوێکدا لەو بارەیەوە بڵاویکردەوە " ئەمڕۆ چوارشەممە، ٢١ ئەیلول هەردوولا لە دیدارەکەدا باسیان لە پرسی نووسینەوەی دەستووری هەرێمی کوردستانکردو زەرورەتی زەمینەسازی و دروستکردنی هەماهەنگی و یەکدەنگی کرد لەنێوان لایەن سیاسییەکان و پێکهاتە کۆمەڵایەتییەکانی هەرێمی کوردستان بۆ نووسینەوەی دەستوور کردووە".
لە زاری بارزاییەوە بڵاوکراوەتەوە"بارزانی پاڵپشتی خۆی بۆ پەرلەمانی کوردستان و هەر هەوڵێکی زەمینەسازی و دروستکردنی یەکڕیزی بۆ نووسینەوەی دەستووری هەرێمی کوردستان ڕاگەیاند، لەلایەن دامەزراوە باڵاکانی هەرێمی کوردستان و لایەنە سیاسییەکان، وەک چۆن لەڕابردوو هەمان هەڵوێستی هەبووە."
ماوەیەکە سەرلەنوێ پرسی دەرکردنی دەستوری هەرێمی کوردستان بووە بە رۆژەڤی نێوان پارتی و یەکێتی و لایەنەکانی تری کوردستان و پرسی پەرلەمان.