سوپای پاسدارانی ئێران رایدەگەیەنێت، موشەكبارانكردنی سێ ناوچەی دیكەی لەهەرێمی كوردستانیان كردوە.
ئاژانسی تەسنیمی سەر بە پاسدارانی ئێران رایگەیاندووە، ئەمرۆ هێزی زەمینی سوپای پاسداران بە تۆپ و موشەك بۆردومانی پێگەی حیزبەكانی رۆژهەڵاتی كردووە لە ناوچەكانی (سیدەكان و بەرزاییەكانی هەڵگورد و بیربیزین).
هەر بەپێی راگەیەنراوەكە "سوپای پاسداران لە 24ی ئەیلوولەوە دەستی بەو هێرشانە كردووە وەك كاردانەوەیەك بەرامبەر بە جموجۆڵی ئەو گروپانە و هەوڵی ئەوان بۆ نانەوەی "نائارامی و ئاژاوە" لە وڵاتدا كە تا ئێستاش بەردەوامە".