بارەگای بارزانی رایدەگەیەنێت، بارزانی و وەفدی هاوپەیمانێتی ئیدارەی دەوڵەت لەسەر دیراسەكردنی بابەتەكانی دانیشتنی پەرلەمان و دیاریكردنی سەرۆك كۆمار گەیشتن بە "چارەسەر ڕێككەوتن".
بەپیچی راگەیەنراوی بارەگای بارزانی، ئەمڕۆ مەسعود بارزانی، سەرۆكی پارتی دیموكراتی كوردستان پێشوازی لە شاندێكی هاوپەیمانێتی ئیدارەی دەوڵەت كردووە و لە كۆبوونەوەكەدا بارودۆخی سیاسی عێراق و ڕێڕەوی دانوساندنەكانی پەیوەست بە دانیشتنی داهاتووی پەرلەمان و دیاریكردنی سەرۆك كۆمار و پێكهێنانی حكومەتی فیدڕاڵی تاوتوێ كرا.
راگەیەنراوەكە ئاماژەی بەوەكردووە "بەشداربووانی كۆبوونەوەكە لەسەر دیراسەكردنی ئەو بابەتە هەستیارانە و گەیشتن بە چارەسەر ڕێككەوتن، ئەویش بەر لە بەستنی كۆبوونەوەی پەرلەمانی تایبەت بەم پرسە".
بڕیارە رۆژی چوارشەممە دانیشتنی پەرلەمانی عێراق بكرێت و تیایدا سەرۆك كۆمار هەڵبژێردرێت، بەڵام تائێستا پارتی و یەكێتی لەسەر ئەو پۆستە رێكنەكەوتوون.