نەوەی نوی پشتیوانی بۆ هەوڵەکانی محەمەد شیاع سودانی سەرۆک وەزیرانی راپسێردراو دادەنێت، بەڵام بەشداری حکومەت ناکەن.
لە پۆستێکدا دوای سەردانەکەی شیاع بۆ بارەگای نەوەی نوێ، شاسوار عەبدولواحید سەرۆکی جوڵانەوەکە دەڵێت " سەرەڕای سوپاس و پشتیوانیمان بۆ هەوڵەکان و بەرێزیان و بەرنامە باشەی کە بۆی باسکردین، پێمان راگەیاند کە دڵخۆشین بە بیستنی ئەم بەرنامە و روئیایە، بە دڵنیاییەوە پشتیوانی هەموو کارێکی جوان و باش دەبین، ئەگەر خوانەکردە خراپیش بوون یان کەموکورتیان هەبوو، ئەوا بێگومان رەخنەگر و چاودێر دەبین بەسەریانەوە".
سەرۆکی جوڵانەوەی نەوەی نوێ دەشڵێت " بە هۆی وەرگرتنی رایەکی زۆری هاوڵاتییان و دەنگدەرانمان، وە پاش گفتوگۆ لەناوخۆی خۆمان و ناو جوڵانەوەکە و فراکسیۆنەکە ، وە بە هۆی ئەوەی لە ئێستادا دڵنیا نین لەوەی کە ئایا ئێمە بەم وەزاراتانەوە دەتوانین خزمەتی هاوڵاتییان بکەین یاخود نا ! بۆیە بڕیارمان دا کە بەشداری حکومەت نەبین و هیچ وەزارەت و پۆستێک وەرناگرین".
نەوەی نوی وەک هێزێکی ئۆپۆزسیۆن خۆی راگەیاندووە، پێشبینیش نە دەکرا بەشداری کابینەی شیاع بکات.