سۆران عومەر، سەرۆكی فراكسیۆنی كۆمەڵی دادگەریی لە پەرلەمانی عێراق لەكۆنگرەیەكی رۆژنامەوانیدا وەڵامی شاسوار عەبدولواحیدی دایەوە و ڕایگەیاند "ئەو وەك چۆن شێروان شێروانی تۆمەتبار كرد بە سیخوڕ، بەڵام ئێستا شێروان شێروانی بە ناحەق لە زیندانە، هاتووە تۆمەتی سیخوڕیش دەداتە پاڵ من، بەڵام من سكاڵای لەسەر تۆمار دەكەم و دەبێت بیسەلمێنێت كە من سیخوڕم."   

سۆران عومەر ئاماژەی بەوەكرد "بەپێی ئەم بەڵگەنامەیە لە 6-10-2011 سەرمایەی كۆمپانیاكەی یەك ملیۆن دینار بووە، بەڵام لە یەك ڕۆژدا سەرمایەكەی كردووە بە 105 ملیار دینار، ئەوەش بە نایاسایی و بەبێ ئەوەی پارەی كاشی هەبووبێت، هەروەها 22 ملیار دیناری لە خەڵك وەرگرتووە بۆ پشكەكانی چاڤیلاند."