سوپای پاسدارانی ئێران لە راگەیەندراوێکدا بەرپرسیاریەتى خۆی لە هێرشەکەى سەر شاری کۆیە و زڕگوێز راگەیاند.
بەپێی بەیاننامەیەكی سوپای پاسدارانی ئێران كە لە ماڵپەری فەرمی ئەو وڵاتەوە بڵاوكراوەتەوە ئاماژەی بەوەکردووە" تۆپخانەکانی سوپای پاسداران بە موشەک و درۆن، حزبە جیاخوازەکانیان لە چەند ناوچەیەکی هەرێمی کوردستان بۆردوومان کردووە".
بەیانی ئەمڕۆ دووشەممە کۆماری ئیسلامی ئێران بۆردومانی بنکە و بارەگاکانی حزبی دیموکراتی کوردستانی لە قەزای کۆیە و کۆمەڵەی لە ناوچەی زڕگوێزی سنوری پارێزگای سلێمانی کرد.