ئیدارەی سەربەخۆی گەرمیان بەبۆنەی رووداوی تەقینەوەی خانووەكەی شاری سلێمانی ماتەمینی گشتی راگەیاند.
ئیدارەی سەربەخۆی گەرمیان رایگەیاندووە "وەك هاوخەمی بۆ رووداوە كارەساتبارەكەی شاری سلێمانی كە بەهۆیەوە 15 كەس گیانیان سپاردووە و ژەمارەیەك برینداری لێكەوتووەتەوە، لەسەر فەرمانی سەرپەرشتیاری ئیدارەی گەرمیان، ماتەمینی گشتی لە گەرمیان رادەگەیەنرێت و لەسەر سەرجەم دامودەزگا حكومییەكان ئاڵای كوردستان بۆ نیوە دەهێنرێتە خوارەوە."
شەوی رابردوو لە خانویەكی شاری سلێمانی تەقینەوەیەك بەهۆی غازی شلەوە روویدا و تائێستا 15 كەس گیانیان لەدەستداوە و 11 كەسی دیكەش بریندارن.
شەوی رابردوو هەڤاڵ ئەبوبەكر، پارێزگاری سلێمانی بەهۆی ئەو رووداوەوە رۆژێك ماتەمینی راگەیاند.