موزیسیانێك لە شاری دهۆك لەسەر ئەوەی پارچە موزیكێكی 30 چركەیی بۆ دەستگیركراوانی بادینان بڵاوكردبووەوە شەش مانگ سزادرا، لەم هەفتەیەدا ئازادكرا.
سەرچاوەیەكی ئاگادار لە شاری دهۆك بە (سپی) راگەیاند "هونەرمەند بڵند ئامێدی، دوای سزایەكی نادادپەروەرانە لە شاری دھۆك بە شەش مانگ زیندانیكردن و پاش تەواوكردنی حوكمەكەی ئازادكرا، سزادانییشی تەنها لەسەر رەخنەگرتن و ھەلوێست بووەو پارچە موزیكێكی ٣٠ چركەیی بۆ زیندانیانی بادینان بڵاوكردبۆوە".
ماوەی زیاتر لە سێ ساڵە نزیكەی 150 رۆژنامەنووس و چالاكوانی بادینان لەسەر رەخنەگرتن و ئەنجامدانی خۆپیشاندان و گردبوونەوە دەستگیركران و هەندێكیشیان سزادران.