محەمەد شیاع سودانی، سەرۆك وەزیرانی عێراق رایدەگەیەنێت، لەم هەفتەیەدا هەناردەكردنەوەی نەوت دەستپێدەكاتەوە و دابینكردنی مووچەی فەرمانبەرانی هەرێمی كوردستان ئەركی حكومەتی عێراقە.
محەمەد شیاع سودانی، سەرۆك وەزیرانی عێراق بە (رووداو)ی راگەیاندووە، ئەمڕۆ كۆمپانیای سۆمۆ لەگەڵ كڕیارانی نەوت گرێبەستێك واژۆ دەكەن و لەم هەفتەیەدا هەناردەكردنی نەوتی هەرێمی كوردستان دەست پێدەكاتەوە.
سودانی ئاماژەی بەوەكردووە "دابینكردنی مووچەی مووچەخۆرانی هەرێمی كوردستان ئەركی سەرەكی حكومەتی عێراقە. ئێمە پابەندین بە دابینكردن و پێدانی مووچە بە مووچەخۆرانی هەرێمی كوردستان".