وه‌زاره‌تی خوێندنی باڵاو توێژینه‌وه‌ی زانستی حكومه‌تی هه‌رێمی كوردستان بڕیاریدا ماوه‌ی پێشكه‌شكردن و ئه‌نجامدانی تاقیكردنه‌وه‌ی توانستی زانستی و راگه‌یاندنی ده‌رئه‌نجامه‌كان و ماوه‌ی سكاڵاو ده‌ستپێكی ده‌وامی خوێندنی ماسته‌ر بۆ ساڵی خوێندنی ئه‌كادیمی 2014- 2015 گۆرانكاری به‌سه‌ردا بێت.

 له‌و باره‌یه‌وه‌ فوئاد عه‌لی سمایل وته‌بێژی وه‌زاره‌تی خوێندنی باڵاو توێژینه‌وه‌ی زانستی راگه‌یاند: به‌له‌به‌ر چاوگرتنی ئه‌و هه‌ل و مه‌رجه‌ سیاسیه‌ی هه‌رێمی كوردستان و ره‌خساندنی ده‌رفه‌تی زیاتر به‌خوازیارانی خوێندنی باڵا (ماسته‌ر) وه‌زاره‌تی خوێندنی باڵاو توێژینه‌وه‌ی زانستی بڕیاریدا ماوه‌ی پێشكه‌شكردن و ئه‌نجامدانی تاقیكردنه‌وه‌ی توانستی زانستی و راگه‌یاندنی ده‌رئه‌نجامه‌كان و ماوه‌ی سكاڵا و ده‌ستپێكی ده‌وامی خوێندنی ماسته‌ر بۆ ساڵی خوێندنی ئه‌كادیمی 2014- 2015 گۆرانكاری به‌سه‌ردا بێت.

بەپێی بڕیارەكان:

1.    ماوه‌ی پێشكه‌شكردن بۆ خوێندنی ماسته‌ر درێژده‌كرێته‌وه‌ تا رۆژی پێنج شه‌ممه‌ رێكه‌وتی 11/9/2014.
2.    ئه‌نجامدانی تاقیكردنه‌وه‌ی توانستی زانستی له‌ رۆژی چوارشه‌ممه‌ رێكه‌وتی 24/9/2014 ده‌بێت.
3.    رراگه‌یاندنی ده‌رئه‌نجامه‌ به‌راییه‌كان له‌ رۆژی پێنجشه‌ممه‌ رێكه‌وتی 16/10/2014 ده‌بێت.
4.    ماوه‌ی سكاڵاو تانه‌گرتن له‌ رۆژی یه‌كشه‌ممه‌ رێكه‌وتی 19/10/2014 تا رۆژی چوارشه‌ممه‌ 22/10/2014 ده‌بێت.
5.    ده‌ستپێكی ده‌وامی كاندیده‌ وه‌رگیراوه‌كان بۆ ساڵی خوێندنی 2014- 2015 رۆژی یه‌كشه‌ممه‌ رێكه‌وتی 16/11/2014 ده‌بێت.