وتەبێژی سەرۆكایەتی هەرێمی كوردستان رایدەگەیەنێت" شاندێكی سەرۆكایەتی هەرێم بۆ پرسی هەڵبژاردنەكان سەردانی بەغدادی كرد"، دەشڵێت" داوامان کردوە هەڵبژاردنی ئەنجومەنی پارێزگاکانی عێراق و پەرلەمانی کوردستان پێکەوە بکرێت".
دڵشاد شەهاب وتەبێژی سەرۆکایەتی هەرێمی کوردستان (ماوە بۆدرێژکراوە)، ئێوارەی ئەمڕۆ پێنج شەممە لە کۆنگرەیەکی رۆژنامەوانیدا ڕایگەیاند" وەکو شاندێکی سەرۆکایەتی هەرێم سەردانی بەغدادیان کرد و لەگەڵ سێ سەرۆکایەتییەکە و کۆمسیۆنی باڵای سەربەخۆی هەڵبژاردنەکانی عێراق کۆبونەوە".
وتیشی" کۆمسیۆنی عێراق ئامادەیە هەڵبژاردنی هەرێمی کوردستان بەڕێوەببات و بۆ ئەو مەبەستەش لە پەیوەندی و گفتوگۆدان".
ئاماژەی بەوەشکرد، وەکو سەرۆکایەتی هەرێم داوایان کردوە هەردوو هەڵبژاردنی ئەنجوومەنی پارێزگاکانی عێراق و پەرلەمانی کوردستان لە یەک کاتدا بەڕێوەبچێت.