یەكگرتووی ئیسلامی كوردستان داوا لە لایەنە سیاسییەكان دەكات هەرچی زووترە كار بكەن بۆ ئەنجامدانی هەڵبژاردنی پەرلەمانی كوردستان.
یەكگرتووی ئیسلامی لە راگەیەنراوی كۆبوونەوەی سەركردایەتیدا رایگەیاندووە "لایەنەكانی دەسەڵات چیتر پێگەی سیاسی و دەستوری هەرێمی كوردستان نەكەنە قوربانی ململانێ و بەرژەوەندیە حیزبەكانی خۆیان و هەرچی زووترە ڕێك بكەون لەسەر ئەنجامدانی هەڵبژاردنێكی پاك و بێگەرد لە زووترین دەرفەتدا بۆ چارەسەركردنی ئەو بۆشاییە دەستوورییەی رویكردۆتە هەرێمی كوردستان".
یەكگرتوو ئاماژەی بەوەكردوە "كار دەكەن بۆ پێكهێنانی چوارچێوەیەكی نیشتمانی لەگەڵ لایەنە نارازیەكان بەمەبەستی بەشداریەكی كارا و كاریگەر لە هەڵبژاردنی داهاتووی پەرلەمانی كوردستاندا، بۆ ئەو مەبەستەش پرۆژەیەكی ئامادە كردووە و ماوەیەكە دیالۆكی لە گەڵ گروپ و لایەنە ناڕازیەكانی دەرەوەی دەسەڵاتدا دەست پێكردووە".