پێگەیRMCی فەرەنسی بڵاویکردووەتەوە، یانەی پاریس سانجێرمان تا ئێستا یەکلایی نەکردووەتەوە کە کیلیان مباپێ یاریی یەکەمی خولی فەرەنسا ئەنجام دەدات، بەڵام مەحاڵ نییە لەسەر کورسی یەدەگ بێت یان لە یاریگادا بێت.
ئەمڕۆ دووشەممە یاریزانانی پاریس سان جێرمان دوای گەشتی پێش وەرز دەگەڕێنەوە بۆ مەشق و ڕاهێنانەکان. چاوەڕوان دەکرێت کیلیان مباپێ لەگەڵ یاریزانی نەخوازراو و بەردەست بۆ فرۆشتن ڕاهێنان بکات.
لویس ئێنریکی هەست بە ئاسوودەیی ناکات لەگەڵ بارودۆخی مباپێ، ناسر ئەو شەرمەزارییە دەزانێت کە بەهۆی ئەم دۆخەوە دروست بووە، لویس ئێنریکی دەیەوێت یاری بە مباپێ بکات، بەڵام ئەو کاتەی مەشقەکانی پاریسی قبوڵ کرد، ئەم دۆخەی زانی.
ناسر خلێفی تا ئێستاش لە بڕیارەکەیدا پێداگرە. سەرۆکی پاریس سانجێرمان تێناگات بۆچی مباپێ بەڵێنی فرۆشتنی هاوینی داهاتوو قبوڵ ناکات ئەگەر بیەوێت لەم وەرزەدا بمێنێتەوە، یانەکە پێی وایە هەموو شتێکیان پێداوە.