ئەنجومەنی دادوەری عێراق ئاماری حاڵەتەکانی هاوسەرگیری و جیابوونەوەی بۆ مانگی رابڕدوو
راگەیاند و ئاماژەی دا کە ئامارەکانی جیابوونەوە رووبە سەرەوەن.
ئەمڕۆ چوارشەممە ١٨ی تەشرینی یەکەمی
٢٠٢٣ ئەنجومەنی باڵای دادوەری عێراق ئاماری حاڵەتەکانی هاوسەرگیری و جیابوونەوەی
هاوسەرانی بۆ مانگی ئەیلولی ڕاگەیاند" بەگوێرەی دوایین ئامارەکان بۆ
حاڵەتەکانی هاوسەرگیری و جیابوونەوە لە عێراق ١٧ هەزار و ٦٣٤ حاڵەتی هاوسەرگیری و
پێنج هەزار و ٤٦٢ حاڵەتی جیابوونەوەش تۆمارکراوە".
هەر پێی ئەو زانیاریانە واتە ڕۆژانە نزیکەی ١٨٢ حاڵەتی جیابوونەوە و لە هەر
کاتژمێرێک ٨حاڵەت لە دادگاکان تۆمارکراون .
بە پێی راگەیەنراوی ئەنجومەنی دادوەری
عێراق " بەغدا لە پلەی یەکەمی هاوسەرگیری و جیابوونەوە دایە ".
بەشیک لە توێژەران و شارەزایانی
کاروباری خێزان ئاماژە بەوەدەکەن دۆخی ناسەقامگیری عێراق و خراپی باری دارایی و
گوزەرانی هاوڵاتیان لەگەڵ کێشە کۆمەڵایەتییەکان هۆکاری سەرەکین بۆ زۆری ژمارەی حاڵەتەکانی جیابوونەوەن لەنێوان
هاوسەراندا.