وەزارەتی دەرەوەی ئەمریکا پەیامێک ئاڕاستەی کەسوکاری دیپلۆماتکار و بەشێک لەو کارمەندانەی سەرەکی نین، بەزووترین کات عێراق بەجێبهێڵن و بگەڕێنەوە وڵاتەکە.
لە بەیاننامەیەکدا وەزارەتی دەرەوەی ئەمریکا، ئەمڕۆ یەکشەممە داوای لە هاوڵاتیانی وڵاتەکەی کردووە کە" بەهۆی تیرۆر و ڕفاندن و ململانێی چەکداری و نائارامی مەدەنی و سنوورداربوونی توانای نوێنەرایەتی عێراق بۆ پاڵپشتیکردنی هاوڵاتیانی ئەمریکی، گەشت بۆ عێراق نەکەن".
دەشڵێت" هێزەکانی ئەمریکا لە بنکەی هەریر و عەین ئەسەد و ئەنبار زیاتر لە یەک هێرشی فڕۆکەی بێفڕۆکەوان کەوتوونەتە بەر هێرش".
وەزارەتەکە ڕێنمایی ڕۆشتنی" ئهندامانی خێزانی كارمهندانی باڵیۆزخانهی ئهمریكا و ئەو فەرمانبەرانەی سەرەکی نین، بەهۆی زیادبوونی هەڕەشە ئەمنییەکان لەسەر فەرمانبەران و بەرژەوەندییەکانی حکومەتی ئەمریکا دهستبهجێ عێراق جێبهێڵن و فڕۆکەخانەی بەغداد بەکارنەهێنن".
ماوەی چەند ڕۆژێکە، چەند جارێک هێرشکرایە سەر بنکە سەربازی و ئاسمانییەکانی هێزەکانی ئەمریکا لە عێراق.