بەریتانیا و ئەمریکا خولی سێیەمی سزاکانی سەر حەماسیان ڕاگەیاند
وەزارەتی گەنجینەی ئەمریکا ڕایگەیاندووە" سزاکان بەرپرس و میکانیزمە سەرەکییەکانی حەماسیان کردووەتە ئامانج کە ئێران لە ڕێگەی ئەوانەوە پشتگیری لە حەماس و جیهادی ئیسلامی فەلەستین دەکات".
ئەوانەی سزادراون ڕووبەڕووی قەدەغەکردنی گەشت و بەستنی سەروەت و سامان و گەمارۆی چەک دەبنەوە.
بەشێک لەوانەی سزادراون بریتین لە ناسر ئەبو شەریف، نوێنەری جیهادی ئیسلامی فەلەستینی لە ئێران، هەروەها ئاڵوگۆڕێک کە بنکەکەی لە لوبنانە کە دەوترێت گواستنەوەی دارایی لە نێوان حەماس و ئێران ئەنجام دەدات.