سامان بەرزنجی وەزیری تەندروستی حکومەتی هەرێمی کوردستان (ماوە بۆدرێژکراوە)، ئەمڕۆ شەممە ٢٣ی کانوونی یەکەمی ٢٠٢٣ لە کۆنگرەیەکی ڕۆژنامەوانیدا ڕایگەیاند" بڕوا بەو پڕۆپاگەندانەی ناو تۆڕە کۆمەڵایەتییەکان مەکەن کە هەندێک گژوگیا و دەرمان بڵاودەکەنەوە گوایە کێش دادەبەزێنن، چونکە هیچیان زانستی نین، بەڵکو خراپیشن".

ئاماژەی بەوەشکرد،وەزارەتەکەیان دەستیکردووە بە ڕاگرتن و دانانی رێنمایی پێویست و دەستبەسەرداگرتنی ئەو جۆرە گژوگیا و دەرمانانەی لە تۆڕە کۆمەڵایەتییەکان رێکلامیان بۆ دەکرێت.

ئەوەشی خستەڕوو، ئەو جۆرە دەرمانانە هەموویان ماددەی زیانبەخشیان تێدایە، پێویستە بە رێنمایی پزیشکی بەکاربهێنرێن، چونکە زیان بە تەندروستی بەکارهێنەر دەگەیەنێت.