وەزیری ناوخۆی تورکیا ڕایدەگەیەنێت" ٣٤٠ کەس لە شاری وان و چەند شارێکی دیکەی باکووری کوردستان و تورکیا دەستگیرکراون".
عەلی یەرلیکایا وەزیری ناوخۆی تورکیا، ئەمڕۆ پێنج شەممە رایگەیاند" لە هەریەک لە شاری وان، شرنەخ، دیاربەکر، باتمان، ئورفا، ئیستانبوڵ، ئەنقەرە و چەند شارێکی دیکە ٣٤٠ کەسیان دەستگیرککراون".
وتیشی" سەرجەم دەستگیرکراوەن بە تۆمەتی ئەنجامدانی چالاکی نایاسایی و هێرشکردنە سەر هێزە ئەمنییەکان دادگایی کراون".
رۆژی سێشەممە و چوارشەممەی ڕابردوو لە وان و چەند شارێکی دیکەی باکووری کوردستان و تورکیا، بەهۆی پشتیوانی لە عەبدوڵا زەیدان سەرۆکی هەڵبژێردراوی شارەوانی وان خۆپیشاندان و ناڕەزایەتی بەڕێوەچوو.