بەهۆی بۆردرومانی مۆڵگەكانی چەكدارانی داعش لە شەنگال لەلایەن فرۆكەكانی هاوپەیمانان زیاتر لە 75 چەكداری داعش كوژران.

لەمبارەیەوە عەقید سەدیق خورکی بەڕێوەبەری پێشووی ئاسایشی شەنگال و پێشمەرگە لە سەر چیای شەنگاڵ تایبەت بە باسنیوزی راگەیاند، دوێنێ درەنگانی شەو، فڕۆکە جەنگییەکان  مۆڵگەکانی داعشیان  لە ناو قەزای شەنگاڵ بە چری بۆردوومان کردووە و 6 شوێنیان پێکاوە و ژمارەیەکی زۆری چەکداری ئەو ڕێکخراوە توندڕەو کوژراون.

وتیشی: لە ئەنجامی بۆردومانەکەی فرۆکەجەنگیەکان، زیاتر لە75 چەکداری داعش کوژراون و چوار هەمەر و سێ پیکاب بەنیاز بوون هێرش بکەنە سەر چیا تێکشکێنران.

عەقید سەدیق وتیشی:  بۆیەکەمین جار بەم شێوەیە فڕۆکە جەنگییەکان ناو شەنگاڵ دەکەنە ئامانج، لەوانە پڕۆژەیەکی ئاوی گەڕەکی بەربەڕۆژ و دۆمیز و حەیڵ نەفت و خاڵێکی پشکنین لەسەر پردی شنگاڵ نزیک لەبازاڕ کرابوونە ئامانج.