پەرلەمانتاری لیستی گۆڕان لەپەرلەمانی كوردستان یاداشتێک ئاراستەی دەستەی دەستپاکی هەرێم دەکات و داوا دەکات بەدواداچوون بکرێت بۆ بڕی 5 ملیۆن دۆلار کە دراوە بە رێکخراوی ئایندەی گەش.
عەلی حەمە ساڵح پەرلەمانتاری لیستی گۆڕان لە یاداشتێكدا كە ئاراستەی دەستەی دەستپاكی هەرێمی كوردستان كراوە و وێنەیەكی دەست سپی کەوتوو داوا دەکات بەدواداچوونی یاسایی بۆ پێدانی بڕی 5 ملیۆن دۆلار لە پارەی نەوت بۆ (ڕێكخراوی ئایندەی گەش بۆ پێدانی قەرزی بچووك) بكەن.
لە یاداشتەکەدا هاتووە" بڕی 5 ملیۆن دۆلار بەپێی نوسراوی ژمارە 11777 لە 28/8/2013،، تەمویلی ڕێكخراوی ئایندەی گەش بۆ پێدانی قەرزی بچووك كراوە".
عەلی حەمە ساڵح لەو یاداشتەدا دەڵێت" هیچ ڕوون‌كردنەوەیەك نییە كە لە سەر كام بنەما، ئەم پارەیە بەو ڕێكخراوە دراوە و بۆچی دراوە؟ یاخود ئەو ڕێكخراوە چۆن ئەم پارەیەی بەكارهێناوە؟".
ئەو پەرلەمانتارە داوای گرتنەبەری رێکارە یاساییەکان دەکات بەرامبەر ئەو رێکخراوە.