پارتی دەستدەکات بە گفتوگۆکردن لەگەڵ لایەنەکانی ( یەکێتی و یەکگرتوو و کۆمەڵ و گۆڕان ) و یەکێک لە پرۆژەکانیان "درێژکردنەوەی ماوەی سەرۆکی هەرێمە تا تەوابوونی ئەم خولەی پەرلەمان". ( واتە تا مانگی ٩ ساڵی ٢٠١٧).
رۆژنامەی رووداوی نزیک پارتی دیموکراتی کوردستان لە ژمارەی ئەمڕۆیدا بڵاویکردەوە مەکتەبی سیاسی پارتی دیموکراتی کوردستان رۆژی ٦/٢٥ بە سەرۆکایەتی بارزانی کۆبوونەتەوەو بڕیاریان داوە وەفدێکی دانوستانکاری لە هەریەک لە ( نێچیرڤان بارزانی جێگری سەرۆکی پارتی و فازل میرانی سکرتێر و مەسرور بارزانی ئەندامی مەکتەبی سیاسی ). ( ئەمە یەکەمجارە مەسرور بارزانی لەم جۆرە وەفدانەدا بەشداری دەکات ).
بەپێی هەواڵەکەی رووداو کە لەزاری ئەندامێکی مەکتەبی سیاسی پارتیەوە بڵاوکراوەتەوە، چیتر پارتی بەو شێوەیەی پێش ٦/٢٣ مامەڵە لەگەڵ گۆڕان ناکات، ( واتە هەڵوێستی پارتی بەرامبەر گۆڕان لەدوای کۆبوونەوەکەی پەرلەمانەوە گۆڕدراوە ).