رێکخراوی دەوڵەتی ئیسلامی ناسراو بە داعش وێنەی ئەو پێشمەرگە دیلە بلآودەکاتەوە کە ئەمڕۆ لەهێرشی داعشدا بۆ سەر باشوری کەرکوک بەدیل گیرا.
شەوی رابردوو کاتژمێر ١٢ ی شەو چەکدارانی داعش بە درێژیی ٢٠ کم هێرشیان کردە سەر ناوچەکانی باشوری کەرکوک، لەو هێرشەدا تەنها لە گوندی (مرە ) هەندێک پێشڕەویان کرد، بەلآم دواتر شکان و نزیکەی ١٠٠ چەکداریان لێ کوژرا.
لەو شەڕەدا بەپێی راگەیاندنەکانی هێزی پێشمەرگە ٦ پێشمەرگە شەهیدبوون و ١٩ بریندار، پێشمەرگەیەکیش بێ سەروشوێن بوو، ولایەتی کەرکوکی داعش ئەمشەو بلآویکردەوە کە ئەو پێشمەرگەیە دیلە لای ئەوانەو وێنەیەکیشیان بلآوکردۆتەوە.