سەرۆكایەتی هەرێمی كوردستان لە نوسراوێكدا رەتیدەكاتەوە  كە قاسم سلێمانی فەرماندەی سوپای قودسی كۆماری ئیسلامیی ئێران لەگەڵ بارزانی دیداری كردبێت.

ئەمڕۆ پێنجشەممە 2015-07-23، لە لێدوانێكی نووسراودا ، سەرچاوەیەكی ڕۆژنامەوانی لە نووسینگەی سەرۆكی هەرێمی كوردستان، ڕایگەیاند: "لە چەند ڕۆژی ڕابردوودا، لە ژمارەیەك سایت و میدیادا هەواڵێك بڵاو بووەتەوە كە گوایە "قاسم سولەیمانی”، فەرماندەی سوپای قودسی ئێرانی، بە نهێنی هاتووەتە هەولێر و سەردانی سەرۆك بارزانی كردووە و لەگەڵیدا كۆبووەتەوە”. سەرچاوەكە جەختی لەوە كردەوە كە دیدار لەگەڵ قاسم سولەیمانی بابەتێكی زۆر ئاسایییە، بە تایبەت لەم هەلومەرجانەدا كە لەگەڵ تیرۆریستانی داعش لە شەڕ داین و پێشتر دیداری وا بە ئاشكرا هەبووە و لەمەودواش كە پێویست بوو دیداریان دەبێت، بەڵام 3 مانگ زیاترە كە قاسم سولەیمانی دیداری لەگەڵ سەرۆك بارزانی نەبووە. جەختیشی لەوە كردەوە: "ئەم هەواڵە كە باسی هاتنی قاسم سولەیمانی بۆ هەولێر لەم چەند ڕۆژانەی دواییدا دەكات، لە ڕاستییەوە دوورە”.