فه‌رمانده‌ی هێزه‌كانی 70 شێخ جەعفەر مستەفا دەڵێت" هیچ جۆره ته‌حدایه‌ك و زوڵمێك له كه‌س قبوڵ ناكه‌ین و هێزمان ره‌وانه‌ی خورماتوو كردووه".
جه‌عفه‌ر شێخ مسته‌فا، فه‌رمانده‌ی هێزه‌كانی حه‌فتا له په‌ڕه‌ی تایبه‌تی خۆی له تۆڕی كۆمه‌ڵایه‌تی فه‌یس بوك لە نوسینێکی کورتدا دەڵێت" کە‌ڵه‌گایی له كه‌س قبوڵناكه‌ین و هیچ تەحەدایەک و زوڵمێکمان قبوڵ نیە بەرامبەر میلەتی کورد".
فەرماندەی هێزەکانی ٧٠ ئاشکرای کرد هێزیان بۆ خورماتوو ناردوە، ئەگەر ناچاریان بکەن، شەر دەکەن و وتی "ئەوانیش وەک دوژمن سەیر دەکەین بە توندترین شێوە وەڵامیان دەدەینەوە".
دوو رۆژە بارگژی و شەڕ لەنێوان پێشمەرگەو هێزەکانی حەشدی شەعبی لە خورماتوو درێژەی هەیەو ئەمڕۆ ئەو شەڕە کەوتە نێو خەڵکەوەو دەستکرا بە سووتانی دوکان و ماڵی یەکتری.