هەردوو هونەرمەندی لاو هەڵوێست و نەوید زەردی پێكەوە دواین ڕۆژی ساڵی 2015 كلیپەكەی بڵاودەكەنەوە.
هەڵوێست و نەوید زەردی كلیپی گۆرانی تۆ پیرۆزی بڵاودەكەنەوە، كە گۆرانییەكە بەشێوە دیۆ تۆماریان كردووە و یەكێك دەبێت لە تراكەكانی ئەلبومە نوێكەی زەردی كە بڕیارە لەگەڵ هاتنی ساڵی نوێدا بڵاویبكاتەوە.
تێكستی گۆرانییەكە لەلایەن جەمشید ئەریانەوە نوسراوە ئاوازەكەشی لەلایەن نەوید زەردییەوە دانراوە، كاری میوزیكی بەرهەمەكەش لەلایەن هەڵوێست و ئەڤشین شوكرەوە كراوە، كلیپەكەش كە لە شاری سلێمانی وێنە گیراوە، لە دەرهێنانی هەردی سەلامییە.