خانمە هونەرمەندی ناسراوی كورد لەیلا فەریقی دەردەكەوێتەوە.
لەڕێی تۆڕە كۆمەڵایەتییەكانەوە چەند وێنەیەكی لەیلا فەریقی بڵاودەكرێتەوە كە لەگەڵ محەمەد عومەری شاعیردا دەردەكەوێت و بەپێی زانیارییەكان یەك بینینیشیان بەمەبەستی ئەنجامدانی كارێكی هونەری نوێ بووە لەگەڵ ئاوازدانەر هەڵكەوت زاهیر.
لە وێنەكاندا لەیلا بەشێوەیەكی جیاواز دەبینرێت كە قژێكی درێژی هەیە و چاویلكەی پزیشكی لەچاودایە.
دواین كاری هونەری فەریقی ئەلبومی گوێم لێگرن بوو كە سەرجەم كارەكانی لەلایەن هەڵكەوت زاهیرەوە بۆ ئەنجامدرا و سەركەوتنێكی زۆری بەدەستهێنا، لەو كاتەشەوە ئەو خانمە هونەرمەندە هیچ بەرهەمێكی بڵاونەكردۆتەوە و لە ڕاگەیاندنەكان دووركەوتۆتەوە.
