وتەبێژی حکومەتی هەرێم رایگەیاند" پارەی فرۆشتنی نەوت و داهاتی ناوخۆ لە بانكەكانی هەرێمدا هەیەو دوای پشووەكانی نەورۆز، دابەشكردنی مووچە دەست پێدەكات".
سەفین دزەیی وتەبێژی حكومەتی هەرێمی كوردستان، رایگەیاند" دوای پشووەكانی جەژنی نەورۆز دابەشكردنی مووچەی ئەو وەزارەت و فەرمانگانەی كە ماون مووچەی مانگی شوبات وەربگرن، بەردەوام دەبێت."
وتەبێژی حکومەت ئاماژە بۆ ئەوە دەکات بەهۆی پشووەكانی نەورۆزەوە مووچەی چەند وەزارەت و فەرمانگەیەك دواكەوت، بەڵام پارەی فرۆشتنی نەوت و داهاتی ناوخۆ لە بانكەكانی هەرێم هەیە و لەگەڵ كۆتایی هاتنی پشووەكان دابەشكردنی مووچەی مانگی شوبات دەستپێدەكاتەوە.