له ره‌مه‌زاندا مووچه‌ی سه‌رجه‌م وه‌زاره‌ت‌و ده‌زگاکان ده‌درێت
به‌پێی بڕیاری لیژنه‌ی رووبه‌رووبوونه‌وه‌ی قه‌یرانی دارایی که ئه‌مڕۆ له‌هه‌ولێر سازکرا، له مانگی ره‌مه‌زاندا مووچه‌ی سه‌رجه‌م وه‌زاره‌ت و ده‌سته‌و ده‌زگاکانی حکومه‌تی هه‌رێم ده‌ردێن.
سه‌رچاوه‌یه‌کی ئاگادار له یژنه‌ی باڵای رووبه‌رووبوونه‌وه‌ی قه‌یرانی دارایی، به‌سپی راگه‌یاند لیژنه‌که بڕیاریداوه له دووشه‌ممه‌ی داهاتووه 6/14 دابه‌شكردنی مووچه‌ی مانگی ئایار ده‌ستپێبکات.
به‌پێی زانیارییه‌کانی ئه‌و سه‌رچاوه‌یه هاوکات مووچه‌ی مانگی نیسانی خانه‌نشینانی مه‌ده‌نی و سه‌ربازیش له هه‌فته‌ی داهاتووه‌وه ده‌درێت.
لیژنه‌ی رووبه‌رووبوونه‌وه‌ی قه‌یرانه‌کان بڕیاری داوه پێش جه‌ژن هه‌موو مووچه‌خۆرانی حکومه‌ت مووچه‌ی مانگی ئایاریان پێبدرێت.
PM:01:51:09/06/2016