نێچیرڤان بارزانی: یەكدەنگیی لایەنەكان توانی شەرعیەتی دەسەڵات لە توركیا بپارێزێت
سەرۆكی ئەنجومەنی وەزیرانی هەرێم پەیامێك بە بۆنەی شكست هێنانی كودەتاكەی توركیا بڵاودەكاتەوەو دەڵێت "گەلی توركیا بە خوێن و قارەمانیهتی شەرعیەتی لە توركیا پاراست".
لەپەیامەكەدا هاتووە : "خۆشحاڵین بە سەركەوتنی ئیرادەی گەلی توركیا بەسەر هەوڵی گرووپێكی سەبازیی دژ بە شەرعیەت و ئیرادەی گەل و لەو باوەڕەداین شكستخواردنی ئەو هەوڵە، دەسەڵات و حكومەت و ئیرادەی گەلی توركیا بەهێزتر دەكات و هەروەها رێگەی كودەتای سەربازی لە توركیا دادهخات".
سەرۆکوەزیرانی هەرێمی کوردستان لە پەیامەکەیدا پیرۆزبایی لە رهجهب تەییب ئەردۆغان، سەرۆك كۆمار ، بیناڵی یڵدرم سەرۆكوەزیرانی توركیا و هەموو لایەنەكان و گەلی توركیا دەكات كە" پێكەوە ئەو هەوڵەیان شكست پێهێنا".
نێچیرڤان بارزانی لە پەیامەکەیدا دەڵێت: "یەكدەنگیی لایەنەكان و كەسایەتییەكانی توركیا توانی شەرعیەتی دەسەڵات و توركیا و ناوچەكەش لە ئاڵۆزییەكی گەورە بپارێزێت".
سەرۆکوەزیرانی هەرێمی کوردستان بە ئاماژەدان بەوەی، گەلی توركیا بە خوێن و قارەمانیهتی، شەرعیەتی لە توركیا پاراست، رایگەیاند: "لەو باوەڕەداین ئەوە نموونەیەكی تازە و گەورەیە لە هوشیاریی گەلی توركیادا. هەروەها ئەو هوشیاریەی گەلان، ناوچەكەمان بەرەو ئارامی و دیالۆگ و بنبڕكردنی تیرۆر و ئاڵۆزی دەبات".
PM:03:24:16/07/2016