پەرلەمانتاری فراكسیۆنی گۆڕان لەپەرلەمانی عێراق لەبەیاننامەیەكدا لەسەر سەردانەكەی بارزانی بۆ بەغدا دەنوسێت بارزانی لەو سەرانەدا تەنیا نوێنەرایەتی خۆی دەكات.
هۆشیار عەبدوڵا لە بەیاننامەكەدا كە بەزمانی عەرەبییە دەڵێت: بارزانی ماوەی سەروکایەتیەکەی کۆتاییهاتوە و لەو سەردانەیدا بۆ بەغداد نوێنەرایەتی خۆی و حزبەکەی دەکات نەک خەڵکی کوردستان .
لەو بەیاننامەیەدا هەروەها هاتووە: تاکە دەزگای شەرعی کە نوێنەرایەتی خەڵکی کوردستان بکات پەرلەمانی کوردستانە کە بە بریاری بارزانی پەکخراوە . بارزانی لە ماوەی رابردودا نەک نەیتوانیوە پەیوەندی نێوان هەولێر و بەغداد باش رابگرێت بەڵکو هۆکار و سەرچاوەیەکی کێشەکان بوە" .
هۆشیار عەبدوڵا هەروەها رایدەگەیەنێت "ئەلعبادی کە بەردەوام حکومەتی هەریم بە ناشەفاف تۆمەتبار دەکات چاوەرێیی ئەوەین مەلەفی نەوت و کێشەی موچه یەکلا بکاتەوە و بەرپرسیارێتی ئیتحادی خۆی جێبەجێ بکات ؛ئەگەرنا چیتر بە دیار بێموچەیی خەڵکی کوردستانەوە دانانیشین و هەموو رێوشوێنێکی رقابی پەرلەمانی لە بەرامبەریدا دەگرینه بەر ..".
بەیاننامەكە لەكاتێكدا كە بڕیارە مەسعود بارزانی بە هاوڕێیەتی ژمارەیەك بەرپرسی حیزبەكان سەردانی بۆ پرسی نەوتو موسڵ سەردانی بەغدا بكات.
(زیاتر بخوێنەرەوە)