وتەبێژى حکومەتى عێراق ڕایگەیاند کێشەی ناردنی بەشە
بودجەی هەرێم چارەسەر دەکرێت.
سەعد حەدیسی وتبێژی حکومەتی عێراق لە لێدوانێکیدا بۆ
ڕۆژنامەی شەرقلئەوسەت ڕایگەیاندووە لە کۆبوونەوەکەی نێوان بارزانی و عەبادیدا
هەردوولا بەشێوەیەکی کۆتایی لەسەر چارەسەرکردنی کێشەکانی نێوانیان ڕێککەوتوون.
هەروەها ڕاشیگەیاندووە "لە چەند رۆژی داهاتوودا
لیژنەیەک لە پسپۆرانی هەردوولا گفتوگۆ لەسەر بەشە بودجەی هەرێم دەکەن و پشکی هەرێم
لە بودجەدا رەوانە دەکرێت.
هەروەها دەشڵێت "لە کۆبوونەوەکەدا بارزانی و عەبادی
لەسەر دوو پرس رێککەوتوون کە یەکێکیان پرسی شەڕی موسڵە و دووەمیشیان، چارەسەرکردنی
پرسی هەناردەکردنی نەوت و پشکی هەرێمە لە بودجەی گشتی عێراقدا"