لە کۆبوونەوەی دوێنێی پارێزگاری سلێمانی بە وەکالەت لەگەڵ چەند فەرمانگەیەکی سلێمانی، مەترسی ئەوەی ئاشکرا کردووە کە رەنگە خوێندنی ئەمساڵ لەلایەن یونسکۆوە رەتبکرێتەوە.

لەو کۆبوونەوەیەدا کە لەگەڵە بەڕێوەبەری گشتی تەندروستی سلێمانی و نوێنەرانی سەندیکای کارمەندانی تەندروستی لە بینایەی پارێزگار سازیکردبوو، سەردار قادر پارێزگاری سلێمانی بەوەکالەت لەو کۆبوونەوەیەدا وتبووی " یونسکۆ ئاگاداریان کردووینەتەوە ئەگەر لە ماوەی ٢٠ رۆژدا کێشەکانی پەرورەدە چارەسەر نەکرێن و دەرگای قوتابخانەکان نەکرێنەوە، ئەوا خوێندنی ئەمساڵ بەپێی پێوەرە زانستیە نێودەوڵەتییەکان هەژمار ناکرێت".

هەژمار نەکردنی ئەساڵی خوێندنی ٢٠١٦-٢٠١٧ واتە بەفیڕۆچوونی یەک ساڵی خوێندکاران و مانەوەیان لە پۆلەکانیاندا.

وەزارەتی پەروەردە کردنەوەی دەرگای قوتابخانەکانی لە هەرێمی کوردستان لە ٩/١٥ دواخست بۆ ١٠/١ لەو رۆژەشەوە لە هەردوو پارێزگای سلێمانی و هەڵەبجە، بەهۆی بایکتی مامۆستایانەوە دەرگای قوتابخانەکان نەکراونەتەوە.