لە کاتی رووماڵکردنی هێرشی پێشمەرگەدا بۆ سەر چەکدارانی داعش، چوار رۆژنامەنووسی دوو کەناڵ برینداربوون.
ماڵپەڕی کوردیو کە ماڵپەڕی فەرمی یەکگرتووی ئیسلامی کوردستانە بڵاویکردەوە "ئەمڕۆ پێنج شەممە و چوارەم ڕۆژی ئۆپەراسیۆنی موسڵ چوار رۆژنامەنوسی كورد كە هاوشانی هێزەكانی پێشمەرگە لەبەرەكانی جەنگدابوون بەهۆی تەقینەوەی مینەوە بریندرا بوون".
ئەو ماڵەپەڕە ئاماژە بۆ ناوی رۆژنامەنووسە بریندارەکان و کەناڵەکانیان دەکات " یاسر عەبدولرەحمان پەیامنێری كەناڵی ئاسمانی سپێدە و، هاجەر محەممەدی وێنەگرو، ئاریان بەرواری پەیامنێری تەلەڤزیۆنی وار و وێنەگرێكی ئەو کەناڵە".
بەرەبەیانی ئەمڕۆ، چوارەم رۆژی هێرشی هێزی پێمشەرگەو داعش بۆ سەر ناوچەکانی باکورو رۆژهەڵات و باشووری شاری موسڵ دەستی پێکردو ئەمڕۆ پێشمەرگە تا ئێستا شەش گوندی لەوە دەڤەرە رزگارکردووە.