بەڕێوەبەرایەتی پۆلیسی قەزای سۆران ئاشكرای دەكات، پێشمەرگەیەك لە چلەی ماتەمینی هاوسەرەكەیدا بە فیشەكێك كۆتایی بەژیانی خۆی هێنا.

بەڕێوەبەرایەتی پۆلیسی قەزای سۆران لە پەیجی تایبەتی خۆیەوە لە فەیسبوك بڵاویكردەوە، ئێوارەی دوێنێ 9/11 پێشمەرگەیەك بە ناوی (ع.ع.ع) پاش ئەوەی فیشەكێكی بەردەكەوێت، لەماڵەكەی خۆیدا گیانی لەدەستدا و بەپێی زانیارییەكانیش ئەو پێشمەرگەیە خۆی كوشتوە.

پۆلیسی سۆران ئەوەش رادەگەیەنێت، پێشمەرگەكە لەدایكبووی ساڵی 1983یە و خاوەنی چوار منداڵ بووە، ئاشكراشیكردوە، كە روداوەكە هاوكاتە لەگەڵ چلەی ماتەمینی هاوسەرەكەی كە بە روداوەی ئاگركەوتنەوە گیانی لەدەستداوە.

لەپاش روداوەكە، تەرمی پێشمەرگەكە رەوانەی پزیشكی دادوەری كراوە و لێكۆڵینەوەش لەهۆكاری خۆكوشتنەكە دەستیپێكردوە.